A propaus

Aqueste site es volgut per presentar las exploracions de l'autor dins lo domeni de l'informatica e de las sciéncias de l'informacion, primièr per documentar aquel trabalh per se'n sovenir e segond per provar una competéncia per la recèrca d'emplec o lo desvelopament d'una practica¹.

Zola

Zola es un SSG (static site generator) es a dire que l'autor a pas besonh de picar una linha de HTML. Lo còde per estructurar lo tèxte es lo markdown lo lengatge a balisas (markup language) tant presat, fòrt simple d'escriure e que se pòt legir aisidament.

Mai d'aquò Zola a doas vocacions, èsser :

• un generator de còde html ;
• un servidor web autonòm escrich en Rust (es dire se es velòç).

Demest sas compausantas, Zola emplega lo lengatge de templates ditch Tera qu'es l'equivalent de Jinja per lo servidor Flask escrich en Python.

Lengas

Los messatges o bilhets son escriches en mantunas lengas. Es degut primièr pel contèxte :

• en anglés per las experimentacions a l'ostal per léser ² ;
• en occitan per preparar lo Master 2 EVOC³ per qualques projèctes personals ;
• e enfin en francés dins mon activitat professionala.

Puèi mantunas lengas son necite per representar la diversitat lingüistica e culturala qu'una lenga unenca e egemonica basta pas per illustrar la varietat de culturas e mòdes de pensada. Las lengas romanicas que son l'occitan e lo catalan (lengas bessonas/germanes) son aqui per afortir que l'autor pensa e s'exprima dins las lengas del nòrd de Mare Nostrum tant per carrièra e dins la tuta coma per de discussions tecnicas e intellectualas.

¹ clientèla. ² e per se far comprendre a mai de monde. ³ Estudis e Valorizacion del Patrimòni Occitan.